Бақайдгирӣ все шаблоны для dle на сайте newtemplates.ru скачать
 
  • 09:37 – Таҳлилгари афғон: ЭМОМАЛӢ РАҲМОН ХУШИВУ ЗЕБОӢ ЭҶОД МЕКУНАД 
  • 09:07 – РУБОИЁТ 
  • 10:17 – ДУШВОРИҲОИ РОҲИ ДАРЁФТИ СУЛҲУ ОШТӢ 
  • 09:23 – НАВБАҲОРИ ВАҲДАТ 

Оғози сафари корӣ ба шаҳри Истаравшани вилояти Суғд

Оғози сафари корӣ ба шаҳри Истаравшани вилояти Суғд
Субҳи имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мeҳтарам Эмомалӣ Раҳмон бо мақсади шиносоӣ бо вазъи иҷтимоӣ, иқтисодӣ, фарҳангӣ, ифтитоҳи як қатор иншооти нав ва иштирок дар тантанаҳои ҷашни фархундаи миллӣ-Иди Рӯзи Ваҳдати миллӣ ба шаҳри Истаравшан ташриф оварданд.
Роҳбарияти вилояти Суғд, шаҳри Истаравшан ва намояндагони аҳли ҷомеа Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро бо шукӯҳу шаҳомат ва меҳру муҳаббати бепоён истиқбол гирифтанд.
Фазои шукуҳу шодӣ ва истиқболи гарму самимии Пешвои миллат нишонаи садоқат ва меҳру муҳаббати бепоёни халқ ба фарзанди оқилу сарсупурдаи миллат, меъмори сулҳу ваҳдат мебошад.
Маҳз талошу ҷонбозиҳо ва сарсупурдагии фарзанди фарзонаи миллат, Пешвои миллат муҳтарам Эмомалӣ Раҳмон буд, ки 27-уми июни соли 1997 Созишномаи умумии истиқрори сулҳ ва ризоияти миллӣ ба имзо расид ва Тоҷикистон аз вартаи ҳалокат наҷот ёфт.
Пешвои миллати тоҷикон муҳтарам Эмомалӣ Раҳмон дар вазъи мураккаби сиёсӣ ва ҷанги шаҳрвандӣ ҳамчун сиёсатмадори ҷасуру тавоно, аз рӯӣ хиради азалии халқи тоҷик амал карда, ҳамчун фарзанди сарсупурдаи миллат барои барқарор кардани сохти фалаҷгаштаи давлатдорӣ ва ба даст овардану таҳкими сулҳу ваҳдати миллӣ ҷонфидоӣ намуданд.
Сулҳу ваҳдати миллӣ ва минбаъд пешрафту шукуфоии Тоҷикистони соҳибистиқлол маҳз ба ному корномаҳои ин фарзанди фарзонаи миллат марбут аст.
Истиқболи самимии намояндагони аҳли ҷомеаи шаҳри Истаравшан меҳру муҳаббат ва самимияти бепоёни халқ ба Президенти маҳбуби худ мебошад.

ИШТИРОК ДАР МАРОСИМИ ИФТИТОҲИ НИШОНИ ДАВЛАТИИ ТОҶИКИСТОН ДАР ШАҲРИ ИСТАРАВШАН
Оғози сафари корӣ ба шаҳри Истаравшани вилояти Суғд
25 июни соли 2018 дар доираи сафари корӣ дар шаҳри Истаравшан Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар хиёбони Исмоили Сомонӣ Нишони давлатии Ҷумҳурии Тоҷикистонро расман ифтитоҳ намуданд.
Сохтмони Нишони давлатӣ моҳи марти соли 2018 оғоз шуда, моҳи июни соли ҷорӣ пурра ба анҷом расонида шудааст.
Нишони давлатӣ аз ҳисоби буҷети маҳаллии шаҳр ба маблағи 1,5 миллион сомонӣ бунёд гардида, баландии он 24 метрро ташкил медиҳад.
Фармоишгари иншоот шуъбаи сохтмони асосии мақомоти иҷроияи ҳокимияти давлатии шаҳри Истаравшан буда, лоиҳакаш корхонаи фаръии воҳиди давлатии «Лоиҳакаш»-и шаҳри Истаравшан, пудратчӣ Ҷамъияти саҳҳомии шакли кушодаи «МПМК Уротеппа» мебошад.
Назди Нишони давлатӣ дар шаҳри Истаравшан бо бунёди фавораҳо, шинонидани гулу бутаҳо ва чароғонкунӣ зебою дилрабо гардида, барои сайру гашти сокинон макони хуби истироҳату фароғат хоҳад буд.
Нишони давлатӣ дар маркази шаҳри Истаравшан бо усули хоси меъмории миллӣ бунëд карда шуда аст, ки дар қатори дигар иншооти бунëдгардида ба симои шаҳр ҳусни дигар зам намудааст.
Саҳни ин рамзи давлатӣ тибқи талаботи меъморию шаҳрсозӣ навсозӣ гардида дар бунëди роҳравҳо ва ҳудуди ин мавзеъ аз масолеҳи сохтмонии босифат истифода карда шудааст.
Қомат афрохтани нишони давлатӣ дар маркази шаҳри Истаравшан нишонаи возеҳи арҷгузорӣ ба муқаддасоти миллӣ буда, бо ин васила дар ниҳоди насли имрӯзу оянда ҳисси ватандӯстӣ ва ифтихори миллиро бедор хоҳад сохт.

ИШТИРОК ДАР МАРОСИМИ ИФТИТОҲИ ПАРЧАМИ ДАВЛАТИИ ТОҶИКИСТОН ДАР ШАҲРИ ИСТАРАВШАН
Оғози сафари корӣ ба шаҳри Истаравшани вилояти Суғд
Дар шаҳри Истаравшан Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар маросими кушодашавии сутунпояи Парчами давлатии Тоҷикистон ширкат намуданд.
Парчами давлатии Ҷумҳурии Тоҷикистон дар назди бинои "Маркази ҷавонон ва наврасон"-и шаҳр сохта шуда аст, ки каблан ин мавзеъ ҷойи нообод буд.
Иттилоъ дода шуд, ки баландии пояи Парчам 52,4 метр буда, масоҳати майдони он 3989,0 метри мураббаъро ташкил медиҳад.
Фармоишгари иншоот шуъбаи сохтмони асосии мақомоти иҷроияи ҳокимияти давлатии шаҳри Истаравшан ва пудратчии асосӣ Ҷамъияти саҳҳомии кушодаи "МПМК Ӯротеппа" мебошад.
Атрофи Парчами давлатии Тоҷикистон дар шаҳри Истаравшанро фавораҳою роҳрав ва намои иншооти наву замонавии бунëд карда шуда назаррабо сохта, ин ҷо бо шинонидани гулу буттаҳои ороишӣ ва ниҳоли дарахтони ҳамешасабз ба як макони дилписанду зебо табдил ёфта аст.
Президенти мамлакат муҳтарам Эмомалӣ Раҳмон ба иҷрои корҳои сохтмонӣ баҳои баланд дода, барои боз ҳам ободу зебо намудани атрофи иншооти мазкур ба масъулон дастуру ҳидоят доданд.
Саҳни ин рамзи давлатӣ барои гузаронидани чорабиниҳои гуногун мувофиқу мусоид буда, бо саҳми соҳибкори маҳаллӣ дар худуди боғи Парчам каҳвахона, толори бозиҳои кӯдакона ва меҳмонхонаву дигар иншооти хизматрасонӣ бунëд гардида аст.
Маҷмааи бозиҳои кӯдакона дар шафати майдони парчам, ки бо саҳми як нафар соҳибкор бунëд гардидааст, дар он барои дилхушии кӯдакон дастгоҳу таҷҳизоти муосири шавқовар мавҷуд мебошад. Дар асоси дастуру ҳидоятҳои раҳнамунсози Пешвои миллат муҳтарам Эмомалӣ Раҳмон соҳибкорон дар корҳои ободонию созандаги фаъолона ва бо ҳиси баланди Ватандӯстӣ саҳм мегузоранд.
Маврид ба таъкидаст, ки дар доираи вусъати корҳои ободонию созандагӣ бо амали кардани тадбирҳои муҳим дар шаҳри Истаравшан мавзеъҳои зиёди истироҳатию фароғатӣ навсозию бунёд гардида, барои сайру гашти сокинон ва баргузории чорабиниҳои гуногун шароиту имконияти мусоид фароҳам оварда шудааст.
рейтинг: 
Оставить комментарий
  • Шарҳҳо
  • Имрӯз
  • Серхондатарин