Бақайдгирӣ все шаблоны для dle на сайте newtemplates.ru скачать
 
  • 08:46 – НАҚДИ ТААССУБГАРОӢ ДАР АДАБИЁТИ КЛАССИКИИ ФОРС - ТОҶИК 
  • 11:56 – ИФТИТОҲИ ЯК ЧАНД МУАССИСАВУ КОРХОНАҲО ДАР ШАҲРИ ДУШАНБЕ 
  • 13:31 – ДАСТОВАРДҲО МОРО БА КОР ДИЛГАРМ МЕКУНАД 
  • 17:41 – ПЕШВОИ МИЛЛАТ - ҲОМИИ ОЛИМОНИ ҶАВОН 

29 сентябр - Рӯзи умумиҷаҳонии дил: Камҳаракатӣ яке аз омилҳои хатарноки бемории дилу рагҳост

29 сентябр - Рӯзи умумиҷаҳонии дил: Камҳаракатӣ яке аз омилҳои хатарноки бемории дилу рагҳост
Аз соли 1999 ин ҷониб бо ташаббуси Ташкилоти умумиҷаҳонии дил 29 сентябр ҳамчун Рӯзи умумиҷаҳонии дил дар тамоми ҷаҳон қайд карда мешавад. Мақсад аз таҷлили ин рӯз-баланд бардоштани дониши аҳолӣ оид ба ин беморӣ ва аҳамияту заррурати тарзи ҳаёти солим мебошад.

Бахшида ба Рӯзи умумиҷаҳонии дил мухбири АМИТ «Ховар» бо Мирзо Нозимов, муовини директори Муассисаи давлатии Маркази ҷумҳуриявии клиникии бемориҳои дили шаҳри Душанбе оид ба ин беморӣ ва фаъолияти ин марказ ҳамсуҳбат гардид.

«Дар Маркази ҷумҳуриявии клиникии бемориҳои дил ҳамасола 29 сентябр бахшида ба Рӯзи умумиҷаҳонии дил як зумра чорабиниҳо баргузор мегарданд. Имсол низ дар ин рӯз мо як барнома таҳти унвони «Дилро ба дил раҳест» ташкил кардем, ки аз рӯи ин барнома дар назди бинои Марказ ва дар бахши қайду қабули машваратии дармонгоҳ беморонро ба таври ройгон фишорашонро санҷида, онҳоро аз сабти барқии дил гузаронидем. Инчунин дар ин рӯз аз тарафи Вазорати тандурустӣ ва ҳифзи иҷтимоии аҳолӣ оид ба бемориҳои дил конфронси илмиву амалӣ баргузор гардид»,- зикр намуд М. Нозимов.

Зикр шуд, ки теъдоди бемороне, ки ба Муассисаи давлатии Маркази ҷумҳуриявии клиникии бемориҳои дили шаҳри Душанбе муроҷиат кардаанд, дар муддати нуҳ моҳ 4 ҳазору 413 нафар мебошанд, ки ҳамаи онҳо аз табобат гузаштаанд.

Ҳамчунин ҳамсуҳбат зикр намуд, ки ба ҳар як нафаре, ки аз 40- сола боло аст, новобаста аз оне, ки бемории дил дорад ё не, тавсия дода мешавад, ки ҳатман соле як ё ду маротиба аз сабти барқии дил ва муоинаи духтури дилшинос дар дармонгоҳҳои минтақавии худ гузаранд.

«Бояд гуфт, ки солҳои охир гирифторӣ ба бемории дилу рагҳо дар миёни ҷавонон бештар дида мешавад. Солҳои пеш ҷавонон ба ин беморӣ кам гирифтор мешуданд. Аммо сол ба сол мо мушоҳида карда истодаем, ки ҳатто ҳамин бемории сактаи дил ҳам ҷавон шуда истодааст. Яке аз сабабҳояш- ин камҳаракатии ҷисмонӣ мебошад. Солҳои пеш мардум бисёртар ҳаракати ҷисмонӣ мекарданд. Имрӯз бошад қисми зиёди ҷавонон бо мошин ҳаракат мекунанд ва дар пеши компютер нишаста бо интернет кор мебаранд, аз ин рӯ, дар онҳо ҳаракати ҷисмонӣ кам аст. Камҳаракатӣ — ин яке аз омилҳои хатари бемориҳои дилу рагҳо мебошад. Ҳамчунин риоя накардани парҳезу ғизои солим ҳам ба ин беморӣ оварда мерасонад. Сабаби дигар- ин асабоният, хастагии асаб аст, ки имрӯз дар ҳар як ҷавон ин ҳолат мушоҳида мешавад. Аз ин сабаб ин беморӣ дар байни ҷавонон зиёд гашта истодааст.

Бояд қайд намоям, ки пеш аз ҳама, саломатии ҳар як инсон дар дасти худи инсон аст. Онҳо бояд ба ғизои солим рӯ оваранд. Мо ба беморон тавсия медиҳем, ки бояд ҳар нафар ба варзиш машғул шавад ва бештар ҳаракат кунад. Дар баробари пайдо шудани ягон дард ё фишорбаландӣ ҳатман ба табиби минтақавии худ муроҷиат кунанд»,-иброз дошт М. Нозимов.

http://khovar.tj/
рейтинг: 
Оставить комментарий
Всего доброго, вы держитесь тут, здоровья вам счастья

-----

дрим тим
Ответить
  • Шарҳҳо
  • Имрӯз
  • Серхондатарин