Бақайдгирӣ все шаблоны для dle на сайте newtemplates.ru скачать
 
  • 18:24 – Президенти мамлакат Эмомалӣ Раҳмон аз роҳи мошингарди зарардидаи назди Муассисаи таҳсилоти миёнаи умумии №53 боздид намуда, бо корҳои бартарафсозии офати табиӣ дар канали Девонасой ва маҳаллаи Хатти Роҳи шаҳри Кӯлоб шинос шуданд 
  • 13:53 – Президенти мамлакат Эмомалӣ Раҳмон бо сокинони зарардидаи деҳаи Иттифоқи деҳоти «20-солагии Истиқлоли Тоҷикистон»-и ноҳияи Вахш мулоқот намуданд 
  • 09:34 – Президенти мамлакат Эмомалӣ Раҳмон бо сокинони аз офати табиӣ зарардидаи деҳаи Навободи ноҳияи Абдураҳмони Ҷомӣ мулоқот намуданд 
  • 08:48 – Президенти мамлакат Эмомалӣ Раҳмон бо роҳбарону фаъолони вилояти Суғд машварати корӣ доир намуданд 

ҒАМХОРУ МЕҲРУБОНИ ҲАМ БОШЕМ

ҒАМХОРУ МЕҲРУБОНИ ҲАМ БОШЕМ
Ҳамасола 4 феврал Рӯзи ҷаҳонии мубориза бар зидди бемории саратон қайд карда мешавад. Ба ин муносибат бо ташаббуси роҳбари Ташкилоти ҷамъиятии “Авесто” Абдуллоева Фирўза Ғаниевна дар шаҳри Душанбе ҳамоиш доир гардид. Дар ҳамоиши мазкур Сафири Некўирода дар самти бемории саратони занона, Муовини Раиси Ҳизби Халқии Демократии Тоҷикистон Хайринисо Юсуфӣ, рўзноманигор Ҳуриниссо Ализода, намояндаи ташкилоти Институти Ҷомеаи Кушода - Фонди Бунёди мадад дар Тоҷикистон Нигора Обидҷонова, мушовирони барномавии СММ-Занон дар Тоҷикистон Зуҳро Деҳотӣ ва Лайло Замирова, устоди ДМТ Санавбар Худойдодова, овозхон Нигина Амонқулова ва заноне, ки ин бемориро паси сар намудаанд, ширкат доштанд.
Мақсад аз таҷлили Рӯзи ҷаҳонии мубориза бар зидди бемории саратон бедор намудани таваҷҷуҳи аҳли ҷомеа, баланд бардоштани сатҳи маълумотнокии мардум доир ба бемории саратон мебошад. Дар ин рўз вохўриҳо бо мизоҷон ва аъзоёни оилаи онҳо бо табибон баргузор мегарданд. Мутахассисон тавсия медиҳанд, ки барои пешгирии бемории саратон одамон бояд ғизоҳои фоиданок истеъмол намуда, аз омилҳои зараровар даст кашанд. Вақти худро бештар дар ҳавои тоза гузаронида, ба варзиш машғул шаванд. Ҳангоми пайдо шудани ягон нишона сари вақт ба табибон муроҷиат намоянд. Инчунин дар як сол як маротиба ҳатман бояд аз муоинаи тиббӣ гузаранд.
Мавзўи имрўзаи ин ҳамоиш низ ба «Дастрасии кўмаки тиббӣ ва пешгирии бемориҳои саратонӣ ва беҳтар кардани сифати зиндагии занон баъд аз муолиҷа» бахшида шуда буд.
ҒАМХОРУ МЕҲРУБОНИ ҲАМ БОШЕМ
Ба иттилои роҳбари Ташкилоти ҷамъиятии “Авесто” Абдуллоева Ф.Ғ. ҳанўз соли 2013 нахустин ҷаласа бо иштироки заноне, ки бемории саратони ғадуди синаро паси сар кардаанд, баргузор гардида буд ва Хайринисо Юсуфӣ ҳамчун Сафири Некўирода пазируфта шуда буд. Аз ҳамон сол инҷониб Хайринисо Юсуфӣ ҳамчун адвокати занони гирифтори бемории саратон дар сатҳи баланди Ҳукумат масъалагузорӣ менамоянд ва умед бар он дорем, ки минбаъд низ ҳамкориҳо идома хоҳанд ёфт.
-Бештари занони дар ин ҳамоиш нишаста изҳори қаноатмандӣ намуданд, ки онҳо аз ҷониби Ҳукумат барои пешгирӣ ва муҳофизат аз бемории Covid-19 ба миқдори 400 сомонӣ кўмакпулӣ дарёфт намуданд,- илова намуд Абдуллоева Ф.Ғ.
Дар ҳамоиш дар бораи аҳамияти сифати ғизо ва хусусиятҳои ғизои парҳезӣ барои беморони саратони ғадуди ширӣ аз ҷониби мутахссисон маълумоти муфассал бо тавсияҳои зарурӣ дода шуд. Қайд гардид, ки ҳама намуди омосҳои саратони ғадуди ширӣ дар марҳилаи аввал пурра табобатшаванда мебошанд. Бинобар он зану модарон бояд сари вақт ба мутахассисон муроҷиат намуда, бемориашонро пешгирӣ намоянд.
Хайринисо Юсуфӣ дар суҳбати худ аз кумак ва тадбирҳои андешидаи Ҳукумати ҷумҳурӣ дар масоили ошкор ва табобати беморони саратонӣ истода гузашт. Ў қайд намуд, ки новобаста аз он, ки бемории коронавирус иқтисоди ҷаҳонро ба зону нишонд ва сарҳадҳоро баст, бо сарварии Президенти ғамхору маҳбубамон соҳаи иқтисодиёти кишвар 4,5 баробар рушд кард, маҷмўи маҳсулоти дохилӣ ба 82,5 миллиард баробар гашт. Танҳо барои пешгирӣ ва мубориза бар зидди ин беморӣ ба соҳаи тандурустӣ 1 миллиарду 600 миллион сомонӣ ҷудо гардид. Дар ин давра 108 муассисаи таълимӣ ба истифода дода шуд. Тибби мо имрўз то ба дараҷае рушд кардааст, ки аз дигар ҷумҳуриҳо, ба монанди Қазоқистон, Қирғизистон, Туркманистон ва Авғонистон дар Маркази трансплантология ивази узвҳои дарунӣ мекунанд.
Хушхабари дигар ин аст, ки- гуфт Х.Юсуфӣ,- дар Исроил барои табобати бемории саратон доруе ихтироъ гардидааст ва умедвор ҳастем, ки ин доруворӣ ба мо низ дастрас хоҳад шуд.
Ҳамоиши имрўзаро овозхони дўстдошта Нигина Амонқулова бо сурудҳои худ рангин ва хотирмон сохт.
Дар фарҷоми ҳамоиш аз ҷониби Сафири некўирода, Хайриниссо Юсуфӣ, Роҳбари ташкилоти ҷамъиятии «Авесто» ва Барномаи СММ – занон ба бонувон тўфаҳои хотиравӣ тақдим карда шуд.
Д.Табарова


рейтинг: 
Оставить комментарий
  • Шарҳҳо
  • Имрӯз
  • Серхондатарин